-
Letters
- Chance Meeting With A Guru August 12, 2013
- གོང་དཀར་བ་བློ་གསལ་དོན་གྲུབ་ཀྱིས་ཕྱི་ལོ་ ༢༠༡༡ ཟླ་བ་ ༡༢ ཚེས་ ༢༣ དགེ་བའི་ཉིན་གུས་ཕྱག་བཅས་ཕུལ། January 3, 2012
- From Tashi Tsering May 6, 2011
- A Mountain among Hillsides, An Ocean among Streams… February 18, 2011
- From Karma Triyana Dharmachakra, seat of His Holiness Karmapa in North America February 18, 2011
- དྲན་གསོའི་མཆོད་སྡོང་། February 18, 2011
- To the Family of E. Gene Smith, to his colleagues and to our mutual friends, February 7, 2011
- From the Ven. Lama Chime Rinpoche, Kagyu Benchen Ling, Todtmoos-Au, Germany February 2, 2011
- ༈ རྗེས་དྲན་པད་དཀར་འདབ་བརྒྱད། February 1, 2011
Archived Letters
- August 2013 (1)
- January 2012 (1)
- May 2011 (1)
- February 2011 (6)
- January 2011 (6)
- December 2010 (55)
Tag Archives: Lelung
དྲན་གསོའི་མཆོད་སྡོང་།
མཐའ་དག་མ་མར་གྱུར་པའི་ལུས་ཅན་ཀུན།། སྒྲིབ་གཉིས་གཡུལ་ལས་རྒྱལ་བའི་ཐབས་གཅིག་པུ།། མཉམ་མེད་ཤཱཀྱའི་རྒྱལ་པོའི་བསྟན་པ་ལ།། ངེས་པར་དྲངས་པའི་རིགས་སྲས་ཇིན་སི་མིཐ།། རང་དོན་ཁོག་བཅང་གཞན་དོན་ཡལ་དོར་བཞིན།། སྙན་གྲགས་འབྱོར་པ་འཚོལ་དང་མི་མཚུངས་པར།། རྒྱལ་བའི་བསྟན་པ་བཙལ་བའི་བློ་ཆེན་ཁྱོད།། རྒྱལ་བསྟན་ལོ་འབྲས་ཁུར་བའི་སྡོམ་པོ་གཅིག། ཁྱོད་ཉིད་ལྷག་བསམ་ནམ་མཁའི་ཁྱོན་དང་མཉམ།། ཁྱོད་ཉིད་བྱམས་བརྩེ་ས་ཡི་གོ་ལའི་ཁྱོན།། ཁྱོད་ཉིད་ལེགས་བྱས་འོད་སྣང་ཟླ་བ་ལྟར།། ཁྱོད་ཉིད་འཛམ་བུ་གླིང་པའི་དྲིན་ཅན་ཞིག། མི་རྟག་ཆོས་ཉིད་སྐྱེ་མཐའ་འཆི་བ་ངེས།། སངས་རྒྱས་སྲས་བཅས་ལམ་འདིར་གཤེགས་པ་བཞིན།། ཁྱོད་ཀྱང་ད་རེས་འགྲོ་བས་གྲོགས་རྣམས་ལ།། མི་རྟག་དྲན་བསྐུལ་ཆེན་པོ་བྱས་པ་ངེས།། ཁོད་སྐུ་ཙན་དན་དྲི་ངེད་འགྲོ་རྣམས་ཀྱི།། རང་སེམས་དྲི་ངན་འཇོམས་པའི་རྒྱུར་གྱུར་པ།། སོམ་ཉི་མེད་པས་ཁྱོད་ལ་ཡི་རངས་འདི།། ང་ཚོ་རྗེས་སྡོད་རྣམས་ཀྱིས་འགན་འཁྲི་ཡིན།། སྐྱེས་འཚར་ནུབ་ཕྱོགས་ཟ་ཟིང་གནས་ན་བྱས།། སྦྱངས་ཁུར་ཤར་ཕྱོགས་དར་བའི་རྒྱལ་བའི་བསྟན།། ཁ་ཞེ་གཉིས་མེད་རྒྱལ་བསྟན་གཅེས་པ་བཞིན།། ནམ་ཡང་འཕེལ་ནས་ཤར་ནུབ་ཀུན་ཁྱབ་ཤོག། ཁྱོད་ཀྱིས་ལེགས་བྱས་རང་སེམས་ཡོངས་སུ་བསྐངས།། ཁྱོད་ཉིད་སོང་ནས་རང་སེམས་སྟོང་སངས་ངེར།། འོན་ཀྱང་གྲོགས་པོ་ཐུགས་སེམས་ལྷོད་པོ་བྱོས།། རླབས་ཆེན་བྱ་བ་ང་ཡིས་མཇུག་གནོན་ཡོང།། སླེ་ལུང་སྨྱོན་པས་དབྱིན་ཡུལ་གྱི་རྒྱལ་ས་ལོན་ཌོན་ནས།། ༡༡།༠༡།༢༠༡༡