མདང་ནུབ་གྲོགས་པོ་ཞིག་གི་ངག་ནས་E. Gene Smith་དགོངས་པ་རྫོགས་པའི་ཡིད་སྐྱོ་བའི་གནས་ཚུལ་དེ་ཐོས་འཕྲལ་བདག་ནི་ཡིད་ཅིག་མ་ཆེས་ཏེ།དེ་མ་ཐག་ཏུ་བོད་ཀྱི་ནང་བསྟན་དཔེ་ཚོགས་ཀྱི་དྲ་ཐོག་ཏུ་བལྟས་པས་ཤིན་ཏུ་ཡིད་སྐྱོ་བའི་གཏམ་དེ་དངོས་སུ་མིག་ལམ་དུ་ཤར།ཀྱེ་མ་ཀྱེ་ཧུད།འགྲོ་བ་མིའི་རིགས་སྤྱི་ལ་མཛད་རྗེས་བླ་ན་མ་མཆིས་པའི་མཁས་པའི་དབང་པོ་ཞིག་རང་ཉིད་ཀྱི་མཛད་པའི་འཕྲོ་མ་རྫོགས་པར་འདི་ལྟར་གློ་བུར་དུ་གཤེགས་པ་ནི་བདག་སོགས་འཛམ་གླིང་སྐྱེ་འགྲོ་ཡོངས་ཀྱི་གྱོང་ཆེན་པོ་ཞིག་སྟེ།གཏམ་འདི་ཐོས་ནས་ཆུ་ཚོད་དུ་མའི་རིང་ལ་ཁོ་བོའི་ཡིད་ནི་མྱ་ངན་གྱིས་གདུངས་ཏེ་ཅི་བྱ་གཏོལ་མེད་དུ་གྱུར།ལོ་ངོ་དྲུག་གི་སྔོན་ལ་བདག་ལ་སྐྱེ་བུ་དམ་པ་འདི་ཉིད་མཇལ་བའི་སྐལ་བ་ཐོག་མར་ཐོབ།ཡིན་ན་འང་དེའི་སྔོན་ནས་ཡིག་ཐོག་ནས་འབྲེལ་བ་བྱུང་སྟེ་ཕན་ཚུན་ཤིན་ཏུ་འདྲིས་པའི་གྲོགས་པོར་གྱུར།མཇལ་བའི་ཉིན་མོར་དམ་པ་འདི་ཉིད་དང་བཀའ་མོལ་གནང་དུས་ཁོང་གི་ཡོན་ཏན་གྱིས་བདག་གི་ཡིད་འཕྲོག་ཏེ་རང་དབང་མེད་པར་གུས་པའི་མེ་ཏོག་སྙིང་གི་དཀྱིལ་དུ་བཞད།གངས་ཅན་གྱི་སྐད་དུ་བཞུགས་པའི་གནའ་རབས་ཀྱི་ཡིག་ཆ་དང་།གསུང་འབུམ།ལོ་རྒྱུས།རིས་སུ་མ་ཆད་པའི་མཁས་པ་རྣམས་ཀྱིས་མཛད་པའི་བསྟན་བཅོས་རྣམས་ལ་གནས་གང་དུ་བཞུགས་པ་དང་།རྩོམ་པ་པོ་སུ་ཞིག་ཡིན་པ་དང་།འཁྲུངས་འདས་ཀྱི་ལོ་རབས་སོགས་ལས་བརྩམས་ཏེ་དྲི་བ་སྣ་ཚོགས་ཞུས་ཡང་དེ་དང་དེའི་ལན་ཚང་ལ་མ་ནོར་བ་དང་ཡིད་ཀྱི་རེ་བ་སྐོང་ནུས་པ་ཤ་སྟག་གསུངས།ནང་པ་ཞིག་གི་ཐོག་ནས་བལྟས་ན་སྐྱེ་བུ་འདི་ནི་གདོན་མི་ཟ་བར་བྱང་ཆུབ་སེམས་དཔའ་ཞིག་ཡིན་རྒྱུ་རེད་སྙམ་པའི་འདུ་ཤེས་དབང་མེད་དུ་སྐྱེས།མི་སུ་དང་འཕྲད་ནའང་དགའ་བའི་འཛུམ་གྱིས་བསུ་ཞིང་གང་ནུས་ཅི་ལྕོགས་ཀྱིས་གཞན་ཕན་ཁོ་ན་སྒྲུབ་པས་དུས་འདའ་བ་ཞིག་མཆིས།བོད་ཀྱི་རིག་གནས་ལ་དོན་གཉེར་ཅན་ཞིག་ཡིན་ཚེ་དེ་ལ་མཁོ་བའི་དཔེ་ཆ་རྣམས་དངོས་སུ་གནང་བ་དང་།སྐྱེས་སུ་བསྐུར་བ་དང་།ཞིབ་འཇུག་གི་ལས་ལ་སྐུལ་བ་སོགས་སྐྱེ་བོ་ཕལ་བའི་བློ་ལ་མི་དཔོག་པའི་སྤྱོད་པ་ལྷུར་མཛད།

དམ་པ་འདི་ཉིད་ཀྱིས་མི་ཚེ་གང་བོར་ཡུལ་གངས་ཅན་གྱི་སྐད་དུ་བཞུགས་སོ་ཅོག་གི་གསུང་རབ་ཀྱི་གླེགས་བམ་མཐའ་དག་རྒྱ་བོད་བལ་གསུམ་གྱི་གཙོ་བྱས་པའི་འཛམ་གླིང་ཡུལ་གྲུ་མཐའ་དག་ནས་སྒོ་དང་ཐབས་ཤེས་ཡོད་དགུ་བཏོན་ནས་གཅིག་ཏུ་བསྡུས་ཤིང་བསྡུམས་ཏེ་དཔར་དུ་བསྐྲུན་པ་མ་ཟད།ཉེ་བའི་ལོ་ཟླའི་རིང་ལ་དཔེ་ཆ་དེ་དག་ཐམས་ཅད་གློག་ཀླད་དུ་བཅུག་སྟེ།དྲ་ཐོག་ཏུ་གཟིགས་ཐུབ་པ་དང་དཔར་ཐུབ་པ་བཅས་ལག་སྐྱེས་མཐའ་ཡས་པ་སྩལ།དམ་པ་འདིའི་མཛད་རྗེས་ལ་རྟེན་ནས་དེང་སེང་གངས་ཅན་གྱི་སྐད་དང་ཡི་གེ།ཆོས་དང་རིག་གཞུང་ལ་དོན་གཉེར་ཡོད་མཁན་ཞིག་ཡིན་ཚེ་དཔེ་ཆ་བཙལ་བ་ལ་དཀའ་ངལ་ཅི་ཡང་མེད་པར་བྱས།རང་རེ་བོད་ཀྱི་ཁ་དཔེ་ལ།ཨ་མའི་བུ་ལ་ཡོན་ཏན་ཡོད་ན།དགའ་ལྡན་ཁྲི་ལ་བདག་པོ་མི་འདུག་ཅེས་བཤད་སྲོལ་ཡོད་པ་ལྟར།དེང་སེང་E. Gene Smith་ཡིས་བཀའ་དྲིན་ལ་རྟེན་ནས།འདི་ལྟར་བཤད་ནའང་མ་བདེ་བ་མེད་པར་གྱུར།ཨ་མའི་བུ་ལ་དོན་གཉེར་ཡོད་ན།དཔེ་ཆ་བཙལ་བར་དཀའ་ལས་མི་འདུག འདི་ཁོ་ནའི་བཀའ་དྲིན་ཡང་གངས་ཅན་པ་ཡོངས་ཀྱིས་འཇལ་བར་སླ་བ་མ་ཡིན་ནོ། ད་ནི་རང་རེ་གཞོན་རབས་ཡོངས་ཀྱིས་འདུན་པ་སྔར་བས་ཀྱང་རྒྱ་ཆེར་བསྐྱེད་དེ་ཡུལ་གངས་ཅན་གྱི་སྐད་དང་ཡི་གེ ཆོས་དང་རིག་གཞུང་གི་ངོ་བོ་ཡུན་དུ་གནས་པ་དང་སྐལ་བ་སྟོང་གི་བར་དུ་མི་ནུབ་པའི་རྒྱལ་མཚན་སྲིད་མཐར་ཡང་བསྒྲེང་བའི་ཆེད་དུ་E. Gene Smith་ཡིས་སྒྲུབ་པའི་དཔེ་མཛོད་དུ་བཞུགས་པའི་དཔེ་ཆ་མཐའ་དག་ལ་ཞིབ་འཇུག་དང་ཐོས་བསམ་སྒོམ་གསུམ་བགྱིས་ཏེ་ལེགས་པར་ཤེས་པར་བྱས་ན་དམ་པ་འདི་བའི་དགོངས་པའང་སྤྱོད་ལམ་དེ་ག་རང་གིས་རྫོགས་པར་ཡིད་ཆེས་བརྟན་པོ་ཡོད་ལ།དམ་པ་ཉིད་ཀྱི་བཀའ་དྲིན་གྱི་ཆ་ཤས་ཡང་སྤྱོད་ལམ་འདི་ཉིད་ཀྱིས་འཁོར་བའི་ཡིད་ཆེས་ཡོད།

བོད་ཀྱི་ཆོས་རིག་ཐོག་མཁྱེན་བརྒྱ་ཆེ་བའི་མཁས་དབང་འཇིན་སི་མིཐ་མཆོག་ཚེ་འདི་ནས་ཕྱི་མའི་སྔ་ལམ་དུ་གྱུར་པ་འདི་ནི་འགྲོ་བ་སྤྱི་དང་ལྷག་པར་བོད་བརྒྱུད་ནང་བསྟན་དོན་གཉེར་ཅན་ཐམས་ཅད་ལ་གྱོན་གུན་ཆེན་པོ་ཞིག་ཡིན་པ་ནི་བརྗོད་མི་དགོས།

ཁོང་གིས་སྐུ་ཚེ་ཧྲིལ་པོ་བོད་ཀྱི་ཆོས་དང་རིག་གཞུང་ཡང་སྒོས་བོད་ཀྱི་གསུང་རབ་གཅེས་གསོག་དང་ཆབས་གཅིག་ཁྱབ་སྤེལ་གནང་བའི་སྒོ་ནས་གཟེངས་སུ་ཐོན་པའི་མཛད་རྗེས་བཞག་ཡོད། ཁོང་གི་མཛད་རྗེས་ལ་བརྟེན་དེང་གོ་ལ་འདིའི་ནང་བོད་ཀྱི་གསུང་རབ་སློབ་གཉེར་བྱ་བདེ་བར་བཟོས་ཡོད། དེ་ཙམ་དུ་མ་ཟད་ཁོང་གིས་ཕྱི་ལོ་ ༡༩༩༩ ལོ་ནས་བོད་ཀྱི་ནང་བསྟན་དཔེ་ཚོགས་ལྟེ་གནས་དབུ་བཙུགས་གིས་བོད་ཀྱི་གསུང་རབ་སྔར་ལྷག་མི་ཉམས་རྒྱུན་འཛིན་གྱི་མཛད་རྗེས་རླབས་ཆེན་འཇོག་གནང་མཛད་ཡོད། དེས་ན། ཁོང་གི་མཛད་རྗེས་ནི་སྔོན་གྱི་སྐྱེས་བུ་དམ་པའི་མཛད་རྗེས་དང་གཅིག་མཚུངས་ངོས་འཛིན་ཞུ་འོས་པས་དམ་པ་འདིའི་མཛད་རྗེས་དུས་རྟག་ཏུ་དྲན་པར་བྱའོ།།

E Gene Smith was a great scholar and compendium of wisdom. His demise is a great loss to the world of Tibetan studies. He has dedicated his whole life span for the preservation and dissemination of Tibetan culture and specially Tibetan literary heritage. He has many good qualities, one of them is that he was a great appreciator of any one doing research or study on Tibetan studies which is unique. His second contribution is the digitization of corpus of Tibetan literature and making them available to all, thus highly benefited to scholar and student of Tibetan studies. His contribution should be equally remembered as our past bstan ‘dzin gyi skyes chen dam pa (a great master holder of Buddha’s teaching)and will be always remembered.

In gratitude for all the generous support and kind assistance you have given us over the years, we would like to offer this short prayer from Sga ston ngag dbang legs pa, Dezhung Rinpoche’s root guru, as we light lamps and dedicate them in your honor:

We consider that this lamp is made of the finest precious metal,
And is as vast as the entire billion-fold universe.
It is filled completely with the finest essence of butter,
And in its center is planted a wick as large as Mount Meru.
Its flame is alight and has the nature of the five wisdoms;
In appearance, it blazes with the dazzling splendor of a billion suns,
Its light pervading everywhere throughout all the realms of the ten directions.
Out of this radiant expanse, appear vast clouds of offerings like Samantabhadra’s,
To make gifts throughout all eternity, until the very ends of time,
So that the objects of our prayers, be they living or dead,
Gather the two accumulations, purify the two kinds of obscuration,
And swiftly attain unsurpassable awakening.

From Adam, on behalf of the Lotsawa House team.

I first met Gene in Delhi in 1970 at the Ambassador Hotel.  His loving encouragement started me on the path. Gene’s work has been the prime motivation for so many Tibetan scholars and he opened the doors to Tibetan literature wide with his generous spirit. Gene, you will be sorely missed but your legacy will keep on being added to, as you were one of the great foundation blocks.

Loving thoughts

David Templeman

I, an old Danish Buddhist,  never had the good opportunity to meet Gene in person, but for some years we had a very nice e-mail-correspondence in which he demonstrated his wonderful kindness and spontaneous interest in other beings. In 2001 I have just returned from Eastern Tibet, having under many difficulties managed to send home a collection of Rinchen Terdzö pecha-text. Coming home to Denmark I found, that TBRC had just released The Rinchen Terdzö on 7 CD’s. I bought immediately and search with eager for Tibetan texts, that I have received transmission for. During the search I found a few mistakes on the CD’s and wrote to Gene about it. He answerede with entusiasm and praised me as one helping him and TBRC to perfect the collection. Immediately he send me the corrected CD’s. Getting into contact this way with this legendary figure, I wrote and praised his book “Among Tibetan texts”, and again he showed his generosity and humility, asking for my praise to be used as a testimonial. During our e-mail-conversation he remarked, that their seems to be many Danish Buddhists and tibetologist. He told me of his own visit to Denmark where he had had the good chance to meet famous Danish author Karen Blixen (alias Isak Dinesen).  He was so kind and addressed me as a friend also in several later e-mail-contacts. This warm memories of a great man is added by an old Danish Buddhist in the outer periphery of the mandala of Gene Smith.

རྗེན་སི་མི་ཐི་ལགས་དགོངས་པ་རྫོགས་པར་མྱ་ངན་ཞུ་ཡིག
བྱང་ཆུབ་སེམས་དཔའ་ཆེན་པོ་གཞན་གྱི་དོན་ཁོ་ན་བསམ་པ་དག་ནི། སྙིགས་མའི་དུས་འདིར་བསམ་བཞིན་དུ་རྒྱལ་པོའི་ཚུལ་དང། མཁས་པའི་ཚུལ་དང། དེ་བཞིན་དུ་སྤྲུལ་པ་རྣམ་པ་སྣ་ཚོགས་ཀྱི་སྒོ་ནས་ཕེབས་པ་ཡིན་ཞིང། ཁོ་ཚོའི་ལུས་ངག་ཡིད་གསུམ་གྱི་སྤྱོད་པ་ནི་གཞན་གྱི་དོན་དུ་ཁོ་ན་ཡིན་པ་དང། སྐྱབས་མེད་མགོན་མེད་སྙིགས་དུས་ཀྱི་ཉམ་ཐག་པ་ལ་སྐྱབས་བྱེད་པ། ཁྱད་པར་རྒྱལ་བའི་བསྟན་བཅོས་སོགས་ཀྱི་བཀའ་བསྡུ་བ་དང། པར་དུ་འདེབས་པ། དོན་གཉེར་ཅན་དང་ཐར་འདོད་རྣམས་ལ་ཚུལ་བཞིན་དུ་སྤྲོད་པ་སོགས་ནི་བྱང་ཆུབ་སེམས་དཔའ་རྣམས་ཀྱི་མཛད་པ་དངོས་ཡིན། འདིར་ཆེད་དུ་བརྗོད་པར་བྱ་བ་ནི། བོད་ཀྱི་ཤེས་རིག་དང་བོད་མི་མང་ལ་བྱས་རྗེས་བླ་མེད་འཇོག་མཁན། མི་ཚེའི་ཧྲིལ་བོ་བོད་ཀྱི་གླེགས་བམ་ནང་དུ་བསྐྱལ་པའི་མཁས་པའི་དབང་པོ། ཨ་རི་བ་འཇམ་དབྱངས་རྣམ་རྒྱལ(E. Gene Smith)མཆོག་ནི་རབ་བྱུང་བཅུ་བདུན་པའི་ལྕགས་སྟག་གི་༼༢༠༡༠༽ལོའི་ཕྱི་ཟླ་༡༢པའི་ཚེས་༡༦་ཉིན་གཟིམ་ཁྲི་མཐའ་ཅན་དུ་གྱུར་ཅིང། བོད་མི་མང་དང། འཛམ་གླིང་བོད་རིག་པའི་ཞིབ་མཇུག་གི་ཐད་ལ་མི་ཟད་པའི་གྱོང་གུད་བླ་མེད་ཅིག་ཐེབས།
དམ་པ་ཁོང་ནི། རབ་བྱུང་བཅུ་དྲུག་པའི་མེ་བྱི་ལོ་༼༡༩༣༦༽ལ། བྱང་ཨ་རིའི་ནུབ་ཀྱི་མངའ་སྡེ་ཆེན་པོ་ཡུའུ་ཏལ་(Utah)གྱི་་ཨོག་འདན་(Ogden)གྲོང་དུ་འཁྲུངས་ཤིང་། ཆུང་ངུའི་དུས་ནས་བྱང་ཨ་རིའི་ཡུལ་གྱི་རྣམ་དཔོན་ཅན་གྱི་ཁྱེའུ་ཡོངས་དང་འདྲ་བར་སློབ་གྲྭར་ཚུལ་བཞིན་དུ་ཞུགས། དེ་ནས་ལྕགས་བྱི་ལོ་ནས་༼༡༩༦༠༽སྐྱེས་བུ་དམ་པ་ཉིད་རང་སད་ཀྱི་ཚུལ་དུ། ས་སྐྱའི་སྡེ་གཞུང་རིན་པོ་ཆེའི་འགྲམ་ནས་བོད་ཀྱི་རིག་པའི་གནས་མཐའ་དག་ལ་སྦྱངས་པ་ཆེན་པོ་མཛད། ལྕགས་བྱ་ལོ་ནས་བཟུང། ཡོ་རོབ་དང། རྒྱ གར། བལ་ཡུལ་སོགས་ལ་འགྲིམས་ཏེ། བོད་ཀྱི་རིག་པའི་གནས་བཅུས་མཚོན་པའི་བསྟན་བཅོས་ཕྱོགས་གཅིག་ཏུ་བསྡུ་བའི་མགོ་ཚུགས། ཤིང་འབྲུག་གི་༼༡༩༦༤༽བོད་ཀྱི་རིག་གཞུང་ཐད་རབ་འབྱམས་པའི་(Ph.D)དམ་བཅའ་བཞག། ལོ་དེ་ལ་ཡོ་རོབ་ཀྱི་ལེས་ཏེ(Leiden) ཟེར་བའི་སློབ་གྲྭ་ཆེན་པོར་ཕེབས་ཏེ། ལེགས་སྦྱར་གྱི་སྐད་སོགས་སྦྱངས། ཤིང་སྤྲུལ་ལོ་ནས་༼༡༩༦༥༽ཨ་རིའི་ཚོགས་པ་ཧྥོ་དི་མཐུན་རྐྱེན་འོག། རྒྱ་གར་སོགས་ནས་བོན་གྱི་སྐོར་ལ་སློབ་གཉེར་དང། འདི་དུས་དགའ་ལྡན་བྱང་རྩེའི་དགེ་བཤེས་བློ་བཟང་ལུང་རྟོགས་དང། འབྲུག་པ་ཐུགས་སྲས་རིན་པོ་ཆེ། མཁན་པོ་ནོར་གཡང། དིའུ་མགོན་མཁྱེན་བརྩེ་སོགས་ཀྱི་དྲུང་ནས། བོད་ཀྱི་རིག་པའི་གནས་བཅུ་ལ་སྦྱངས་པ་གང་སྨིན་མཛད། ས་སྤྲེལ་ལོ་༼༡༩༦༨༽ཨ་རིའི་གྲོས་ཚོགས་དཔེ་མཛོད་ཁང་ཆེན་པོ་(the Library of Congress)རུ་ལས་ཀ་བྱས་ཏེ། བོད་ཡིག་གི་ཐོག་ནས་བརྩམས་པའི་དཔེ་དེབ་བསྡུ་སྒྲིག་དང། དཔར་སྐྲུན་བཅས་བྱེད་པའི་མགོ་བརྩམས། 1999ལོ་ལ། ཨ་རིའི་གྲོང་ཁྱེར་ཆེན་པོ་ཉིག་ཡོ་རུ། བོད་ཀྱི་ནང་བསྟན་དཔེ་ཚོགས་ལྟེ་གནས་ཟེར་བ་བཙུགས་ཏེ། རང་གི་དཔྲལ་བའི་མིག་དང། ཁོག་པའི་སྙིང་ལྟར་མི་ཚེ་གཅིག་གི་ལ་བསྡུ་སྒྲིག་བྱས་པའི་དཔེ་དེབ་སྟོང་ཕྲག་མང་པོ་ཡོད་པ་རྣམས་དག་སྦྱོར་དང། གློག་ཀླད་ནང་དུ་བསྡུ་བ་སོགས་བྱས་ཏེ། འཛམ་གླིང་ཡོངས་སུ་སྤེལ་མགོ་བརྩམས།
དམ་པ་འདིས་ལོ་རྒྱུས་གནད་འགག་འདི་འདྲའི་སྐབས་སུ། བོད་ཀྱི་དཔེ་དེབ་གཅིག་པོ་བསྡུ་སྒྲིག་བྱས་པ་ཙམ་མ་ཡིན་པར། བོད་ཀྱི་རིག་པའི་རྣམ་བཞག་གང་ཡིན་ལ་མཁས་པ་ཆེན་པོ་ཡིན་པ་དང། དམ་པ་འདིས་བསྡུ་སྒྲིག་བྱས་པའི་དཔེ་དེབ་འཛམ་གླིང་ཐོག་ཏུ་ཆེས་མང་ཤོས་དེ་ཡིན་པར་བསམ་ཞིང། པོ་ཏི་མི་འདྲ་བ་སྟོང་བདུན་ཙམ་ལ། རྣམ་ཐར་གཅིག་པོ་ཡང་སྟོང་ཕྲག་གཅིག་ཙམ་ཡོད་ཅེས་དང་། དུས་རབས་ཉི་ཤུ་བའི་མགོ་སྟོད་ལ་ཨ་ཤེ་ཡའི་ནང་དུ་བོད་ལྟ་བུ་བསྟན་བཅོས་མང་པོ་གཅིག་ཀྱང་མི་འདུག་ཅེས་ཕྲན་ལ་གསུངས་མྱོང། ཁོང་གིས་བཙུགས་པའི་དཔེ་མཛོད་ཁང་དེ་རུ་འཛམ་གླིང་གང་དུ་ཡང་མཐོང་དཀོན་པའི་དཔེ་ཆ་ཡང་མང་པོ་འདུག་ཅིང། དེ་ཚོ་མཐོང་དུས་དངོས་གནས་དྲང་གནས་ཀྱི་སེམས་དྲོ། གཞན་དམ་པ་འདི་ལ་གནད་དོན་གང་ཞིག་གི་དོགས་གཞི་བཅར་འདྲི་ཞུ་སྐབས། དཔེ་དེབ་འདི་དང་འདིའི་ནང་དུ་འདི་འདྲ་ཡོད་ཅེས་གསུང་རྒྱུ་ཡོད་པ་མ་ཟད། དཔེ་མིང་དང་རྩོམ་པོ། དཔར་སྐྲུན་ཁང་སོགས་ཀྱི་མིང་སོགས་ཡང་མ་ནོར་བར་དྲངས་ཡོང་བ་ཞིག་འདུག། གང་གི་ཐད་ནས་དྲིས་ཀྱང། མི་ཤེས་པ་མེད་པ་ལྟ་བུ་ཞིག་སྣང། ཉིན་ཞིག་ཕྲན་གྱིས། སུམ་པ་ཡེ་ཤེས་དཔལ་འབྱོར་གྱི་འཛམ་གླིང་སྤྱི་བཤད་ནང་གི་ཡུལ་གུ་མ་ཆ་དང། ཡ་གོང། ཁེམ་ཆི་སོགས་སོགས་གང་ལ་ངོས་འཛིན་དགོས་པ་རེད་དམ། ཞེས་དོགས་གཞི་བཅར་འདྲི་བྱས་དུས། ཁོང་གིས་ “འོ་དེ་གལ་ཆེན་པོ་རེད། སུམ་པས་ས་ཆ་འདི་སོགས་གསུང་དོན་ནི། འཛམ་གླིང་བྱང་མཐའ་རུ་དགུང་དབྱར་ཉི་མ་དམར་ཐག་མ་ཆོད་པར་། ཤར་ནས་སྐྱ་རེངས་ཤར་ཡོང་བའི་གནས་ཚུལ་དེ་ལ་ཟེར་བཞིན་ཡོད་པ་རེད། དེ་ནི་འཛམ་གླིང་གི་བྱང་མཐའ་(Antarctic Circle) བྱུང་བའི་དངོས་ཚུལ་ཞིག་རེད། སུམ་པས་འདི་ལ་དོ་སྣང་བྱས་པ་དང། རྗེས་སུ་བོད་ཀྱི་མཁས་པ་འགའ་ཤས་ཀྱི་འདིའི་ཐོག་ལ་རྩོད་པ་རྒྱབ་ཡོང་བ་ནི་དངོས་གནས་ཡ་མཚར་བ་རེད་”ཅེས་གསུངས་ཏེ་ཕྲན་གྱི་བློ་སྒོ་ཆེན་པོ་ཞིག་ཕྱེས། འདི་ལྟ་བུ་གསུང་ཁྱད་པར་ཅན་མང་པོ་ཕྲན་ལ་གསུངས་མྱོང། ཕྱིས་སུ་འདི་ཐམས་ཅད་ཚུལ་བཞིན་དུ་འདོན་ཐུབ་པའི་རེ་བ་ཡོད།
ཕྲན་ལ་བོང་བར་གསེར་གཟིགས་ཀྱི་ཚུལ་དུ། ཐེངས་མང་པོ་ཐུག་འཕྲད་ཀྱིས་བཀའ་སློབ་མང་པོ་གནང་མྱོང་བ་མ་ཟད། བཙན་པོ་འཛམ་གླིང་རྒྱས་བཤད་སོགས་ལས་འཕྲོས་བའི་བསྟན་བཅོས་སྣ་ཚོགས་ཀྱི་སྐོར་ལ། བུམ་པ་གང་བྱོའི་ཚུལ་དུ་གཏིང་ཟབ་པ་དང། དོགས་གཅོད་མང་པོ་མང་པོ་གནང་མྱོང། ཁྱད་པར་དུ་ཁོང་གིས་ཕྲན་ལ་ཁོང་གི་དཔེ་དེབ་ཆ་ཚང་བ་ཀློག་ཐུབ་པའི་གསང་གྲངས་ཀྱང་བསྩལ་ནས། ཐུགས་རྗེ་བླ་མེད་བསྐྱངས། ད་ལོ་ཁ་ན་ཏ་ལ་ཚོགས་པའི་རྒྱལ་སྤྱིའི་བོད་ཀྱི་ཤེས་རིག་ཚོགས་འདུའི་སྟེང་དུའང། ཕྲན་གྱིས་བསྡུ་སྒྲིག་བྱེད་བཞིན་པའི་དཔེ་དེབ་དག་གི་སྐོར་ལ་བཀའ་འདྲི་དང། བསླབ་བྱ་མང་པོ་གནང་སོང་བ་མ་ཟད། སང་ལོ་ཉོག་ཡོ་རུ་ཕེབས་ཤོག་ཅེས་བཀའ་གནང་བ་ད་དུང་དུ་རྣ་ལམ་དུ་གསལ་ལྷང་ངེ་འདུག།
དེ་བཞིན་གསུང་རྩོམ་གྱི་ཐད་ནས། ཡེ་ཤེས་དཔར་སྐྲུན་ཁང་གིས་པར་སྐྲུན་བྱས་པའི་། དཔེ་མིང་ལ་བོད་ཀྱི་བསྟན་བཅོས་ཁྲོད་དུ་ (Among Tibetan Texts) ཟེར་བ་མཛད་དེ། བོད་ཀྱི་དཔེ་དེབ་ངོ་སྤྲོད་ཀྱི་གསུང་ཐུན་མོང་མ་ཡིན་པ་ཤིག་ཆགས་བསྡད་ཡོད། ཁོང་གི་རྣམ་ཐར་རྣམས་རྗེས་སུ་ཐོན་འཆར་ཡོད་པའི་གློག་བརྙན་སོར་མོའི་འཕྲུལ་རྩལ་གྱི་ནང་ཆོས (Digital Dharma)་ཟེར་བ་ཞིག་ཐོན་བཞིན་ཡོད་པས། དེ་རུ་ཞིབ་ཏུ་གཟིགས་འཐུས།
མདང་དགོང་གྲོགས་པོ་ཞིག་གི་ངག་ནས། རྒན་ཉིད་མྱ་ངན་ལས་འདས་པའི་གཏམ་དེ་ཐོས་དུས། སེམས་སུ་མི་ཟད་པའི་སྐྱོ་བ་དང། སྡུག་བསྔལ་ཆེན་པོ་བྱུང། འཕྲལ་དུ་ས་འདིར་བཞུགས་པའི་མཁས་པ་འགའལའང། གཏམ་མི་སྙན་པ་དེ་བརྒྱུད་སྒྲོག་བྱས་པ་དང། སྐུ་འབུམ་གསེར་གདུང་ཆེན་པོ་སོགས་ཀྱི་མདུན་དུ། མཆོད་འབུལ་སྙན་ཤལ་སོགས་བྱས་དང་བྱེད་མུས་ཡིན། རྐྱེན་ལམ་སྣ་ཚོགས་ཀྱི་དབང་གིས་ཨ་རིའི་གདུང་མཆོད་ལ་ཡོང་མ་ཐུབ་ཀྱང། ཁ་བའི་ལྗོངས་ཀྱི་ཆོས་སྡེ་ཆེན་པོ་ལྷ་ལྡན་གཙུག་ལག་ཁང་། སེར་འབྲས་དགེ་གསུམ། སྐུ་འབུམ་བྱམས་པ་གླིང་སོགས་གཙོ་བྱས་བའི་གྲུབ་མཐའ་རིས་མེད་ཀྱི་ཆོས་སྡེ་དག་ནས་བསྔོ་བ་དང་སྨོན་ལམ་ཇི་ནུས་ཀྱིས་བྱེད་དང་བྱ་ངེས་ཡིན། དེ་བཞིན་དམ་པ་ཁོང་གི་མ་གཅིག་ཕ་གཅིག་གི་སྲིང་མོ་རྣམས་ལའང། སེམས་གསོ་ཞུ་བ་དང། གཞན་མཁས་པ་དག་ལ་དམ་པ་ཁོང་གི་སྐྱེས་ཆེན་གྱི་རྣམ་ཐར་རྒྱུན་འཛིན་དང། གདུང་མཆོད་ཞིག་གི་ཚུལ་དུ། སྐུ་ཉིད་ཀྱི་སློབ་ཕྲུག་རྡོ་སྦིས་པ་བློ་བཟང་ཡོན་ཏན་གྱིས་ཕྱི་ཟླ་བཅུ་གཉིས་པའི་ཚེས་བཅོ་བརྒྱད་ཉིན་སེམས་དུང་དུང་བ་ཞིག་དང་ལྷན་འཕྲལ་མར་གྲོང་ཁྱེར་ཟི་ལིང་ནས་བྲིས་པའོ།།

This comes from Yangthang Tulku Rinpoche, Gyatrul Rinpoche, Light of Berotsana translators and students gathered here in Alameda California receiving the Rinchen Terdzod Empowerments. The Rinpoches express their sadness with this lose but acknowledge the contribution to the Buddha Dharma and all those who benefit from the doctrine’s presence in our world. Gene was a pioneer in his field and went on to continue to evolve with the times and media to constantly serve the doctrine and all beings with his knowledge and impartial compassion. We all remember our personal encounters with him and how we benefited from that. Gyatrul Rinpoche calls him a bodhisattva and says his work will always continue in whatever way is necessary.

It is with great sadness that we announce the passing of E. Gene Smith on the afternoon of 16 December. He was a Dharma friend, mentor and shepherd to so many throughout the world.

Please feel free to leave your eulogies and other thoughts here in comments.